“喂，肚餓啊喂，我要開飯啦，頸渴啊G。”白貓胡須係咁係度震，明顯處于暴怒邊緣。
“等等啦。”陸諸翻身打咗個喊露，望都無望繼續補眠，難得放假，豬咪又無亂喵喵叫，可以繼續發夢。
成間屋靜默咗兩秒，除了陸諸均勻噶呼吸聲，仲有房門底下個蓋出于慣性，微微郁動噶聲。
“等唔到啊，尿都o咗兩輪啦。”白貓舉起一只肉爪爪，用**噶肉墊洗面，睇落神態悠閑，但語氣又急又嫌棄。
“妖，等等啦先幾點......等......等？”陸諸雙眼眨完又眨，全身猛然打咗個冷震“我一個人住，邊，邊度離把聲？”
身邊除了自己只貓，無活物啦。唔通，有鬼？
陸諸微微抬頭，啱訓醒眼前有d蒙，但由窗簾邊緣透出離噶光線，以此判斷係日頭。
既然唔係夜晚，哩只鬼好猛。
好彩房門下面開咗個四乘二十噶正方形窿，豬咪可以入到離。
兩秒間，電光火石。
陸諸無任由猶豫，將隔離豬咪打包入被竇。 距抱住只貓係咁震，睡意全無。
“我啊，豬咪啊。”把聲比頭先更加近，好似？就係被竇里面發出離？
“我丟，我丟我丟。豬咪識講野啊！”陸諸突然唸起，豬咪個嘴係郁咗，而且無喵喵叫過，萬萬估唔到......
豬咪同陸諸一人一貓係床噶對角趴住，保持床上面噶最遠距離。
豬咪係陸諸出世前，媽媽買翻離噶一只純白黃瞳英短。
雖然係二十九歲噶高齡貓，但身材圓潤而健康，一直保持十斤左右，毛發光滑，係燈光下呈現反光狀態，精神飽滿。
但宜家，豬咪識講野！
豬咪略顯兇相，四目相對間人貓大戰一觸即發。
片刻沉默過后，以尊貴噶貓大人開口結束對峙。
“大驚小怪，起身啦你條腸粉。喂多兩羹貓糧啊，休息大曬啊學人訓**。望？幾點啊？”
豬咪都唔想叫醒距，奈何放貓糧個膠箱鎖咗，以力學噶角度，豬咪無辦法開到。
“肯定係幻覺，我今晚要點兩位壯士定下驚。”陸諸投降，無精打采咁落床。
“我有咁恐怖咩，你唔可以自己訓覺噶？”豬咪一野跳床，好似之前咁貼住陸諸行，條尾左搖右擺，就係要癡住陸諸只腳。
“我只